PECA BULU

dulu waktu gi kecek Istilah "pecabulu" sungguh menyakitkan.

"BATURAJA" dlm stempel belanda tahun 1898-1923

MABOK TIHAU APE KEPAYANG?

banyak jeme mehase njerap majo amen lah tekecap tihau. ape agi tihau tikus/grigit atau jeme ugan mengenalnye dengan name "higit". tihau bename ilmiah Schizophyllum ini cukup diihiskan bawang campur ihisan cabi rawit, tumis pakai lenge bahi, enjuk gaham dikit, hasenye pasti kantap! lupe amen takok'an balam di ume lah melumpeh!

tapi kalini, saking dang musim, banyak jeme dusun dihi ye mabok tihau. ape sebabnye? ape ninek muyang/puyang dihi kurang pengetahuan tentang hacun tihau?

tihau tikus banyak tumbo di bekas pembakaran ume di batang2 balam

sebenahnye, puyang dihi kalini lah mewariskan pengetahuan mane tihau ye behacun mane ye dekde. tapi sifat tihau memang sulit diidentifikasi. meskipun para survivor memberikan banyak petunjuk ciri-ciri tihau behacun itu dekde pacak menjadi jaminan amen tihau itu dekde memabokkan.

tihau behacun mengandung sianida bahkan sulfida ye pacak mematikan. ciri-cirinye pacak kite kinak'i endai aroma dan ragam warnenye ye menculok. konon amen aroma tihau itu tehase kuat dan meninggalkan bekas warna amen digasak-gasakkan, itulah tande tihau itu behacun, tihau jenis ini jarang dihinggapi serangga bahkan hewan2 kecik.

nah, untuk amannye, hala asak galak kian ngambek tihau d iutan. tanyekan gok jeme-jeme tue ye bepengalaman. amen dekde tuh mbeli tihau di pasar ye jelas-jelas lah biase dijual.

Terus, ngape pule kepayang memabokkan?

Secare ilmiah, ijat kepayang mengandung asam sianida tingkat tinggi. apeagi ye elum diolah atau dihendam. Ijat inilah yang membuat uhang dek tekelap tiduh, gelisah dan menimbulkan efek halusinasi. sehingge jeme menyebutnye mabok kepayang, same gok sifat jeme dang jatuh cinta.

kepayang di pinggir bakal

tapi, meskipun memabokkan, kepayang sude menjadi bahan pengawet alami ye pacak mengawetkan ikan sampai beahi-ahi. itulah ngape jeme dihi mencampurkan ihisan ijat kepayang ke dalam olahan bekasam. selain sifatnye ye gurih, gemok uji jeme dihi, sebenahnye kehadiran kepayang ini lebih untuk pengawetan. bukan dibada kite kian kepayang dikenal sebagai pengawet, tapi hampir seluruh nusantara buah ye disebut juge go keluwak ini dipakai.

nah, amen mayat kamu nak awet, sebenahnye dekde perlu bahan pengawet formalin. cukup puyaukan kian ihisan ijat kepayang banyak-banyak. sude tu hendamkan ke dalam guci. dijamin pacak ngalahkan mummi ala firaun. ha.ha.ha.

utk lebih mengenal baturaja klik ini: pelesir

uhut keliling (pijat keliling)

bukan kian "mie tek tek" ye keliling malam-malam di era tahun 1980-an di baturaje, dulu ade juge uhut keliling. dek percaye? ini kisahnye.

usman, namenye. mamang kite yg lah almahrum ini bejalan endai sukajadi sampai keliling pasar. kundangannye dek lain tikah (lapek) puhon dan tentu dek lupe lenge campur balsem merek afitson.

amen melintas di depan huma, suare beliau ye begumbak keriting dan berbadan agak gempal ini nyaring: "uhut! uhut!"

nah, pemandangan simpang empat dulu, diwarnei juga gok pemandangan mang usman dang nguhut. langnanannye macam-macam. mulai endai tamu ye nginap di hotel tiga dara, tamu wisma merdeka parak stasiun, atau pegawai-pegawai jurong (name kontraktor yg membangun pt semen waktu itu).  

konon, sambil nguhut, beliau ini pacak cerite. maknye banyak jeme betah diuhut beliau. 

amen lah dalu, mang usman balek ke sukajadi sambil ninteng lapeknye. tapi lahoannye ngantau pelanggan hampir teaning dekde jelas.  

mak ini baturaje lah tambah modern, mungkin dek ngatek agi tukang uhut macam mang usman. uhut di pinggir bakal sebuah sensasi relaksasi yang langka mak ini ahi.

nak nginak cerite-cerite baturaje jaman bahi lainnye : klik ini