ade ye dekde berubah di simpang empat baturaje sampai mak ini ahi. dielah MASIMAH, penjual kacang. bak monumen kota beliau setie njaga simpang empat sampai mak ini. umurnye mak ini kire hampir 70 thn. perempuan asal kudus-jateng ini dtg ke bta sejak mase gadis. kemudian belaki gok tukang dawet ye bejualan di dpn toko buku pedoman mak ini ahi. sewaktu lakinye sakit, beliau berusaha jualan malam untuk menggantikan penghasilan lakinye. sejak itulah die bejualan kacang di simpang empat depan apotik--yg waktu itu mase toko baju terus beganti toko kaset. die muali jualan lepas magrib sampai jam 1 malam.
thn 1983-an harge kacang itu mase dapat dibeli PENGAJI selawi (Rp. 25) dan dalam bungkusan daun pisang. setelah itu beganti bungkus kertas. dan mak ini ahi harge kacangnye lah lime ratus paling murah. amen kite mbeli kacangnye, dibungkus gok SANGKET ASOI itam.
MASIMAH, suatu malam, pernah nega duit banyak gara-gara die nyakah kertas untuk bungkus kacang. duit itu pacak NEGAKKAN huma! tapi, endai jualan itu pule die pacak nyekolahkan salah sikot endai tige anaknye sampai sarjana.
sampai mak ini, MASIMA mase nggunekan puntung kayu buat mehebus/nggureng kacangnye. kayu tsb dicakah di sekitar lokasi pt semen. yang hebat endai MASIMAH, die dekde pernah galak diantat, naek taksi, atau naek ojek balek pegi bejualan. die nak bejalan diwek! mandiri.
toko-toko dan jalan di simpang empat lah belasan kali bebenah beganti wajah. baturaje tambah sesak dan langgok. tapi MASINAH masih tetap CUGOK di sane bejualan kacang. bagai patung kota yang bernyawa. menjadi saksi hidup sekaligus refleksi makmane kite mesti berjuan.
(diceritekan kembali oleh ANDI FAUZAN)
No comments:
Post a Comment