KASURAN, RUDAT, WAN TERBANGAN DI GEREJA BATUPUTEH

Amen kamu galak liwat di Dusun Batuputeh, gereja ini pasti neman tekinak. Gok tanggenye ye memanjang sampai ke bakal, gereja ini jadi semakin ilok di kinak'i endai bawah. Apelagi badanye ye cuma dipisahkan gok bakal di hideng Ayah Lengkayap. Kesannye jadi makin naturalis. Ibarat lukisan, mungkin inilah lukisan "Mooi Batuputeh".

 

foto menunjukkan bangsal genteng yang dibangun Leo Kwanten 

utk tempat wira-usaha bujang-bujang di batuputeh saat itu

foto diunduh dari  http://www.scj.org (H. Wardjito)

Sahdan, di sekitar taun 1940-an ade empat uhang di Dusun Batuputeh ye waktu itu dang gelimean. Ati dek lemak, jiwe dek tenang. Mereka itu Alwie, Abdoel Hoelik, Damseh, dan Alisyuni. Singkat cerite, mereka ini laju nyakah jeme ye pacak nenangkan jiwe dan ngubati ati dang gundah itu. Setelah dapat nasihat endai wakil residen di Baturaje, tegalah meraka ini gok Mgr Henricus Martin Mekkelholt SCJ, Vikaris Apostolik Palembang waktu itu. Mgr Mekkelholt laju ngutuskan Pastor Theodorus Borst SCJ supaye pegi ke Batuputih. ”Sejak itulah, Pastor Borst datang endai Baturaja ke Batuputih naek kerite. Seminggu sekali Pastor Borst ngajahkan kami di laman huma warge," kata Samsuddin (78), saksi idup lok ye diungkapkannye di majalah Hidup. 

 

foto diunduh endai "paroki sang penebus batuputeh"

Dek lame endai itu, Pastor Leo Kwanten SCJ. ye neruskan pelajaran agame di Batuputeh.  Selain ngenjok'i pelajaran agame, die juge negakkan sekolah darurat ye mak ini bekembang jadi SD Xaverius. Sambil ngajahi budak-budak bujang di Batuputeh wira usaha gok membangun bangsal genteng, berkat Leo Kwanten pule asrama Santo Yusup 

Baturaja pacak tegak sampai mak ini ahi. Pastor Leo Kwanten SCJ betugas di Batuputeh sejak  15 Juni 1949 sampai 2 Nopember 1964. 

foto diunduh endai "paroki sang penebus batuputeh"

Sampai mak ini ahi, kegiatan Gereja Paroki Sang Penebus semakin rami. Bahkan lah ade pule Pastoran ye dulu cuma ade di Baturaje. Uniknye, umat Katholik di dusun Batuputeh ini dek jarang makai kesenian terbangan* wan rudat** amen ade acara-acara untuk menyambut ahi besak Katholik. Bahkan, perayaan Natal pun diramikan gok makanan kasuran! Maklum, umat Katholik di dusun ini nangun nian asli jeme Ugan. Alhamdulillah, sampai mak ini ahi, hampir dikatekan ngatek jeme nak saling irok'i tentang perbedaan agame di dusun ini. Ini tentu kian nunjokkan, bahwa jeme Ugan sangat toleran dan demokratis mileh kepercayaannye. Lebeh-lebeh, bahwa jeme dusun Batuputeh ini juge jeme Ugan, ye mase sanak famili kite.      

 

foto diunduh endai "paroki sang penebus batuputeh"

Terjemahan  bahasa Indonesia 

  

neman tekinak: sering terlihat

bakal: jalan

hideng: sisi

*rudat : semacam tari-tarian yang dilakukan oleh laki-laki dalam kesenian terbangan.   

**terbangan kesenian yang konon berasal dari Hadratulmaut, jazirah Arab, yang masuk ke Kesultanan Palembang di awal penyebaran islam di Nusantara. kesenian ini menggunakan perkusi tabuh yang terbuat dari kulit binatang 

 

AKU GOK GEREJA INI TAHUN 1980-AN...
 

Aku gi kecik, sekitar tahun 1984-an, bebehape kali husek ke Gereja ini. Dulu, kakak-kakak kami di Jalan Kalam galak betanding bal-balan gok budak-budak Batuputeh. Bada betandingnye tepat di lapangan belakang Gereja. Karene aku gik jecik dekde pernah diajak bemain, diam-diam aku husek ngelilingi gereja ini.  

foto diunduh endai majalah hidup

Di sekitar tahun itu pule, aku agam dek kire amen pacak besalaman gok pastor. Maklum, mereka ini jeme-jeme Eropa ye didatangkan pastoral Baturaje untuk nelayani umatnye temasok di gereja Batuputeh. Salah sikok pastor ye galak kami salami, amen dek salah namenye Bountje. Pastor ini dulu galak ngayau ke huma Pak Mustofa Cholik (almarhum) ye humanye persis di buri humaku. Pak Mustofa ini dulu dikenal sebagai tokoh pendidikan sekaligus sosok pengagum Marhaenism. Pergaulannye dekde sebatas ulama-ulama Baturaje ye dihormati pada saat itu, tapi juge  disegani oleh tokoh-tokoh umat Nasrani di Baturaje kala itu. Maklum, beliau kuanggap liberal mungkin karene beliau ini alumni sekolah Kayu Taman- Padang, ye kite tahu merupekan perguruan pendidikan yang paling disegani di Sumatera jaman itu.

Nah, aku mase tehingat amen Bountje dang ngayau, pasti die nyelipkan duet selawi ke kantong kami (Elvin Rizano, Adreanes Yulius mase tehingat dekde kamu?). Tangannye miha, bulunye lebat, dan jaket kulit gok sarung tangannye mengagumkan. Ape agi amen beliau dang bemotor, mirip pembalap. Amen dek salah, motor beliau waktu itu Vespa gok motor besak mirip-mirip motor Harley. Ye lucu, aku ngantau beliau ini dulu kanye gok sebutan "bapa", tapi "mister!". 

Partor Bountje juge ye jadi pastor di gereja Batuputeh tahun 80-an, ye balek pegi Baturaje-Batuputeh (sekitar 10 km) untuk melayani umatnye.  ****

KASURAN GOK TERBANGAN di GEREJA BATUPUTEH

 

BATURAJA 1927

Inilah foto-foto pasar atau pusat Kota Baturaje tahun 1927. Amen diasati pasat-pasat, di belakang deretan mubil kuno itu ade papan reklame (Bld, reclameboard) produk ban mubil Good Year. tentu kian ini perusahaan Good Year Internasional yang berdiri 1898 dan berpusat di Amerika. Bukan Good Year Indonesia yg empai ade tahun 1935.

Sedangkan penunjuk jalan menunjukkan arah ke Martapoera 27 KM, Moearaenim 87 KM.Pacak dipastikan lokasi ini mengambil daerah Pasar Pucuk mak ini ahi. Kinak ade bukit di bekangnye dan penunjuk arah mengarah ke arah jalan menuju Martapura, Muara Dua dan Muara Enim. Artinye, di sinilah "Zero Point" Baturaje waktu itu. Bukan seperti sekarang, di mane "titik nol" nye dimulai endai huma Kabupaten.

foto: koleksi universiteit leiden

Sementare foto di bawah ini, masih di lokasi yang same menunjukkan bangunan kantor pos (Postkaantor) dan mubil jaman itu. Konon, mubil yang beredar di Baturaje jaman itu adalah Fiat Model 500 ye regenye dianggap paling murah waktu itu 935 Gulden. Merek Mubil lainnye adalah Ford model T seperti tampak dalam gambar, Albion, Rugby, Chevrolet, dan Whitesteam. Saat itu, pasaran mobil demikian pesat. Dua perusahaan mobil Amerika, seperti dimuat dalam iklan di surat kabar Pertja Selatan, yaitu Ford dan Chevrolet berkompetisi ngambek ati pembeli. Tahun 1920-an, Ford diregei gok Nlg 2.155, amun Chevrolet seharga Nlg 2.195. Di Palembang bahkan ade showroom spesialis Ford. maklum, waktu itu rege getah balam dang melangit. Jadi wajar amen banyak mubil pribadi ye beredar.

foto: koleksi universiteit leiden

Nah, amen yang ini tampak bagian pasar yang terbakar di tahun 1927. Di sisi kanan ade sebuah hotel. Lokasi ini adenye di Jl. Sudirman endai arah Simpang Empat mak ini ahi. Artinye, hotel ini mematahkan ingatan massal kite bahwa hotel pertame di Baturaje adalah Hotel Merdeka di parak stasiun dan Hotel Tiga Dara yang berlanggam country look di Jalan kalam (Dr Sutomo).

foto: koleksi universiteit leiden

Amen kite nginak'i perkembangan "Indonesia" di tahun-tahun itu, foto ini artinye setahun sebelum para pemuda mengikrarkan diri dengan ape yang kite kenal gok Soempah Pemoeda sekarang. Pada tahun-tahun itu pule gerakan pemuda untuk menjadikan "Indonesia" dang giat-giatnye. Ingat,1927 juge ditandei dengan Belande menangkapi Moh. Hatta dkk yang membuat organisasi Perhimpoenan Indonesia di Eropa.

Hindia Belande pada masa itu dipimpin oleh Cornelies Dirk de Graeff yang memerintah antara 1926 sampai tahun 1931. Aku belum dapat info Residen yang memimpin Palembang waktu itu, termasuk wakil mereka di Baturaje.

KALANGAN

Dan Para Peniage Liat Itu...
sewaktu transportasi mase elum lancar, KALANGAN atau pasar pekan menjadi ujung tombak perekonomian masyarakat ye tinggal di dusun. para pedagang yang umumnye jeme padang, jawe maupun cine, datang endai baturaje. mereka ini “meruput” di ahi mase dalu. aku mase tehingat, di tahun 80-an, di jalan doktor sutomo, ade belasan keluarge hang padang ye bejualan di kalangan.


jauh sebelum subuh, kutak-kutak wan kardus mereka lah diambin endai gang-gang huma. anak-behanak milu gale ngangkutinye. kele, barang-barang itu disesakkan dalam mubil pick up L300 atau HIACE ye beterpal di belakangnye. jeme-jeme padang, keluarge KODIR, misalnye, bejualan baju, gok perlengkapan huma lainnye. ade pule keluarge SOFIAN LELO MERAJO ye bejualan buku, quran, kopiah, kandok, sampai tasbeh. keluarga IDRIS jualan martabak bulan ye isinye kacang. sementare itu keluarge ATA, ye jeme cine sebelah huma kami, bejualan es lilin gok ruti es. di musim ahi angat, dekde jarang jualan kenan ini lah cair sampai kalangan. sementare itu jeme-jeme jawe diangkuti endai pasar tugu atau dusun baturaje. mereka ini jualan miso, balur, dan barang konsumsi seahi-ahi. misalnye micin cap mangkok miha, sabun cap kompas (matahari), sabun mandi asoka (ha.ha,ha. regenye cuma rp. 75 waktu itu), sampai makanan instan mie cap ayam-telor atau ye modern dikit tapi mahal vitami.

nah, amen barang-barang lah dinaekkan ke mubil mereka ini tidoh sampai kele di kalangan. maklum, istirahat mereka ini kurang gara-gara banyak ige main gap (gaple). tujuannye macam-macam sesuai ahi kalangan itu. ade kalangan TALANG LADUK, ULAK PANDAN, SIMPANG, MERBAU, TRANS UNIT 2 (waktu itu mase dianggap jaoh), dll. di kalangan jeme endai dusun lah nunggu. ade ye sebelum ahi dalu NERABAS utan gok AYAH ANAK, demi melanjekan duit hasil nakok selame seminggu. ye ngundang budak-budak dibelikan es, cindol, miso dan bipang! sementare umak-emaknye belanje balor, micin, mie calok atau afitson/remason ubat palak pening. sedangkan bak-baknye belanje rukok. rukok ye terkenal waktu itu ade rukok jambu pute; ye humpak (bungkus) plastik, ade pule ye bungkus kertas abang, namenye rukok jambu abang. regenye waktu itu rp. 150 sebungkus. ade pule ye mahal, rukok gudang garam, wismilak, djarum, ardath, jinggo, bentoel, sampai rukok gudong ye digulung diwek wan tembaku ranau.

selain belanje rukok, ye utame bagi jeme dusun belanje keperluan ume. misalkan tawas untuk balam, tali-temali untuk ngebat sapi, batu asahan, arit, tengkuit, pacul sampai benang urat pakai njait jale cihek. buat budak-budak kecik di dusun, di kalanganlah saatnye tega banyak makanan gok husean. ade bipang, ruti es (wafer), miso, bubur kacang ijau, dll. pemanis makanan ini dibuat dekde endai gule, melainkan biang pemanis yg waktu itu bebas beredar di warung2 mereknye SARI MANIS. (andung, amen dang buntu mbuat kupi gok sari manis!)

nah, amen dang bulan puase atau parak ahi raye, kalangan betambah rami. sampai-sampai ye bejualan es balok pun datang! regenye mahal waktu itu. dikebat gok tali rafia dan di-puyau-i bubuk kayu mengke dekde cair sampai buke kele. selain itu ade pule ruti kuing dan kurme. entah, aku dek tau makmane nasib kalangan mak ini ahi. jeme-jeme ye dulu ku kenal pekerja keras bejualan pun sikok-sikok tinggal name. SOFIAN LELO MERAJO, SAMSUNUR, KODIR, ATA… semua telah wafat. tapi yang masih terngiang adalah lahoan mereka di ahi dalu,”KALANGAN! KALANGAN!”. dan mak ini aku merindukan agi lahoan itu!

Jalan Kalam dan Para Punggawa Kuliner Baturaja

Percaye dekde kamu bilang uhang amen Jalan Kalam (mak ini disebut Jalan Dr Sutomo) adalah penghasil SDM kuliner paling lemak di Baturaje? Inilah catatanku.

Nasi Gureng
Dek pacak disangkal agi amen nasi gureng paling lemak ye dijual di sepanjang toko di pasar-pasar Baturaje berasal endai tangan terampil keluarge nasi gureng macam keluarge Alm Suharto (Anan/Sigun), keluarge Joni, sampai keluarge Manaf (Endang) ye tinggal di Lorong Pontas. Bahkan secare turun temurun pule warge Kalam menambahi name belakang keluarge mereka gok kate "nasi gureng", misalkan Joni Nasi Gureng, Anan Nasi Gureng, Ata Nasi Gureng dst. Mase ingat dekde di awal tahun 80-an, amen nasi gureng mereka dekde abis kite kundang ke pucok batang cempake di pinggir ugan?

Sate
Jaoh sebelum sate madura masok ke Baturaje di awal tahun 80-an ye mangkal di Simpang Empat, ye jualan sate di deretan parak Toko Kubota adalah keluarge Wak Kaslan. Merekalah yang mewangikan jalan pasar gok asap sate di pagi ahi gok sate khas Tegal. Keluarge ini melahirkan anak-anak ye juge hebat. Mie Surik dsb...

Pempek Pocu
Ngatek ye nyangkal amen pempek murah dan kemak ye legendaris di Baturaje adalah Pempek Pocu. Mereka adalah warge "pribumi" Jalan Kalam ye sebelumnye membuka toko ye juge legendaris waktu itu bername Toko Belinyu. Kinak tautannye Pempek Pocu, Pempek Legendaris di Baturaje.

Engkak & Lapis Puan
Untuk due juadah ini, kite pasti nyebut keluarge Akew. Yap, merekalah pembuat kue-kue profesional ye laris saat lebaran dan bada pejabat-pejabat Baturaje mesan juadah. Di jaman bahi, hang tue merekalah ye ngidari pasar jualan kue ku (semacam kumbu basah Tiongkok bewarne miha, disebut juge kue miha) gok bacang babi ye terkenal d kalangan jeme Tiongkok Baturaje. Ingat dekde amen pas nak lebaran jeme Jalan Kalam hule pute teloh gratis saking banyaknye jeme mesan kue gok keluarge Akew? Meskipun warge Jalan Kalam jarang mesan kue ke keluarge ini disebabkan terlalu mahal, tapi kite pacak ngecap sepiak due piak amen Acot wam Anyam dang baek. Untuk ini, tanyekan kian Syakir Sirodj atau Azis Fanani ye begandeng huma gok keluarge ini.

Kuitiaw & Chinnese Food
Untuk masak'an sikok ini kite pasti setuju menyebut name Sing Kuang dan Tek Bon. Meskipun Singkuang lah almahrum, kite mase tehingat mak mane die mbuat mie secare tradisi dengan care dilimpis balok kayu ye dijungkat-jungkitkan. Waktu itu beliau mase ngontrak di huma Mantuali (mak ini jadi Huma Selor/Aan) yang dijadikan semacam warung eksklusif yang hanya melayani pemesan. Hampir tiap ahi utusan Bupati Saleh Hasan waktu itu datang untuk memesan. Sementare Tek Bon adalah penjual kuitiaw di pasar begerubak. Tanyekan Fuad ye pernah jadi asisten beliau.

Bubur Kacang Ijau
Mang Mahmud dan Mang Kus (Kustana) yang mengawalinye di ujung tahun 70-an tepatnye tahun 1979. Bubur Kacang Ijau ye tekenal gok name "katineung" ini dijual pertame serege Rp. 75 semangkok. Di bawah batang kedundong muare Lorong Pontas (Huma alm. Wak Sirodj) due perintis bubur kacang ijau ini mbangun dewek gubuk jualannye. Tapi peloh mereka merantau dek sie-sie. Di kampung halamannye di Kuningan Jawa Barat, name hang due adek kakak ini seahum embau kacang ijau. Berkat usaha mereka ini, due-duenye pernah dudok jadi Lurah di dusunnye. Amen kamu hilang uhang dek pernah tekecap bubur "katineung" ini, hala ngaku-ngaku jeme Baturaje. Saking terkenalnye, amen kamu tuhun di terminal atau di stasiun, katekan kian nak ke bubur "katineung", alamat bicak atau ojek ngantatkan ke badanye. Mak ini bubur katineung diteruskan generasi ke-3. Retinye, lah cucong Mang Mud gok Mang Kus.

Elum cukup tulisan ini untuk mencatat name-name ahli kuliner endai Jalan Kalam. Mase ade Mang Basar (keluarge Pelo) ye jago mbuat nasi miha, almh Wak Baya yang selalu jadi ketue panggung tiap ade hajatan besak ye lontongnye mase tehase di lidah sampai mak ini ahi, pecel Umak Jujuk, Nasi Gemok Mang Ujang (Akib), Es Mang Kunik, dst.

Sayang, kuliner Baturaje mak ini dijajah gok bakso, pecel ayam, pecel lele, wan nasi gureng endai Jawe. Rindu hasenye ngecap agi makan-makanan ye dibuat gok dedikasi dan ketrampilan keluarge tuhun menuhun.... Jadi pingin balek duson!

UMBUT

Kekayaan Filosofi dalam Sayur

Amun Gajah Mada pernah bersumpah dekde kan pernah makan “umbut”--alias hebung atau yang kite kenal gok “palapa” mak ini ahi--amen Nusantara dekde bersatu, dalam khasanah budaye Ugan, umbut justru menjadi makanan pemersatu. Dalam pesta-pesta pernikahan maupun pesta adat, umbut selalu hadir menjadi penyemarak dan sayur andalan di antara gulai-gulai lain. Ibarat sebuah karya, umbut adalah masterpiece dari seluruh keistimewaan makanan jeme Ugan.

foto: syakir sirodj

Ngape Umbut Istimewa?

Ninek moyang dihi mengajarkan, untuk selalu mencintai tanamanan. Halakan umbut, kelape ye mude pun pantang dijulok amen elum tue nian. Mungkin kamu uhang pernah dijagal bak diwek gara-gara ngambek kelape ye mase mude. Nah, umbut atau bagian paling pucok, di pangkal batang kelape, hampir dekde pernah diambek kecuali untuk keperluan kawinan atau ade acara pesta keluarge. Sebab, sekali ngambek umbut, dek kan ade agi batang ye besise. Batangnye dibuat untuk panggung atau tarup, kelapenye dibuat jadi bahan gulai, dan daun mudenye dibuat untuk hiasan atau janur. Jadi, sekali nebang umbut berarti mematikan batang kelape seumur idupnya. Cuka itung, behape taun batang kelape pacak menghasilkan umbut dewasa gok kelapenye ye tue-tue? Inilah menuhutku ngape umbut istimewa.

Selain itu, hampir jarang bahkan dikatekan dek ngatek jeme-jeme yang jualan umbut di pasar-pasar. Misalnye nak beli umbut sekedar secumpok atau sikilu. Sampai lebaran be-ulang-ulang pun dek kan tega. Jadi wajar amen umbut termasuk makanan extraordinary, luar biase istimewa.

Biasenye, umbut ye memiliki tekstur dan buku-buku lunak dijadikan sayur pada saat “hari masak-masak-an”—atau sahi sebelum hari H pesta payuan. Di waktu inilah kite pacak nikmati sayur umbut. Umumnye, umbut dibuat sayur santan mirip gok kuah sayur lodeh. Taoknye, selain tempuyak matah, ade umbut uwi, sambal cengeng, balur, kabau gok tahok-tahok-an. Nah, hidangan ini memang khusus buat keluarge atau jeme-jeme ye lesu begawi di ahi masak-masak. Cuma ahi ini kian ade sayur umbut. Dan itulah ahi paling istimewa sebelum masok ke acara payuan gisoknye.

Amen kite masok ke filosofinye, sayur umbut adalah penghargaan buat keluarge, tetangge dan jeme-jeme ye bekumpul begawi di ahi itu. Makanan “mahal” ini dihidangkan bukan untuk tamu-tamu pada saat pesta payuan gisoknye, tapi die hadir hanya untuk keluarge, tetangge dan mereka ye telah merelakan tenagenye untuk begawi sare-sare di ahi masak-masakan itu. Jadi, sangat jelas imbalannnye; sayur umbut niuh.

Sayang, berkembangnye waktu, berkembang pule kebiasaan masyarakat. Di ulak-ulak, umbut telah beralih ke umbut kelape sawit, sebuah batang kelape industri yng dengan mudah dan pacak kapan kian diambek. Bukan tanamanan puyang ye tagei betahun-tahun dan elum kan ditebang amen elum ade anak atau cucong ye payuan. Kearifan untuk menjaga sebatang pohon yang semakin punah, bersama langkanya sayur umbut niuh. Kapan agi tekecap…